Петков: Со Република Северна Македонија подготвуваме заедничко чествување за Гоце Делчев

Бугарскиот премиер Кирил Петков за БГНЕС изјави дека додека траеле разговорите за економијата и инфраструктурата, двете страни разговарале и за теми кои се важни за Бугарија – правата на Бугарите во Македонија и рамковната позиција.

Според него вистинската работа сѐ уште не е завршена.

– Организиравме календар за состаноци на секои седум дена. Ме радува што дури и Историската комисија потврди дека ќе имаат три средби во наредните месеци. Немам намера да менувам ниту еден член на Историската комисија. Мислам дека направивме добра работа овие две недели, рече Петков и додаде:

-За 4 февруари подготвуваме заедничко чествување со Република Македонија за Гоце Делчев по повод 150-годишнината од неговото раѓање.