Пет македонски тенисери на вториот фјучрс во Скопје

Пет македонски тенисери ќе настапат на вториот фјучрс турнир што се игра на терените на „Тенис парк“. Од утре стартуваат мечевите откако денеска завршија квалификациите. Томислав Јотовски поради рангот, а другите четири играчи со вајлд карти ќе настапат на турнирот.

Единствениот наш тенисер кој според рангот е на главниот турнир Томислав Јотовски ќе игра против квалификантот од Бугарија Габриел Донев, додека Стефан Мицов ќе игра против Британецот Нил Пафли.

Несреќа во ждребот имаше Бесир Дургути кој во 1.коло ќе игра против првиот носител Кристофер О‘Конел од Австралија.

Димитар Грабул за ривал го доби Дује Кекез од Хрватска, Горазд Србљак ќе игра против осмиот носител Лени Хампел од Австрија.

Во конкуренција на двојки Јотовски и Александар Лазов кои победија на првиот турнир на стартот ќе играат против Британците Ричард Гејб и Нил Пафли.

Предраг Русевски и Лазар Магдинчев за ривали ги имаат третите носители Клаудио Монтана и Дарко Јандриќ.

Бесир Дургути и Горазд Србљак ќе играат против Роман Гиголаев и Александар Перфилов од Русија, додека Стефан Мицов со Лени Хампел ќе играат против Домагој Биљешко и Бома Гојо од Хрватска.

Програма на терен број 1 (настап на македонски тенисери):

О‘Конел - Дургути (почеток 9:30 часот)

Јотовски - Донев (по првиот меч)

Мицов - Пафли (не пред 16:30 часот)

Гиголаев/Перфилов - Дургути/Србљак (по третиот меч).