Пет лица повредени во сообраќајка помеѓу автобус и автомобил во Скопје

Тешка сообраќајка се случила во Скопје на 1 јануари помеѓу автобус и автомобил. Во незгодата повредени се 5 лица помеѓу кои и 16-годишник. Како што стои во соопштението од МВР:

„На 01.01.2021 во 17.55 часот било пријавено дека на ул.„Методија Андонов Ченто“ во Скопје се случила сообраќајна незгода помеѓу автобус „лаз“, управуван од В.П.(50) од Скопје и патничко возило „фолксваген голф“, управувано од Х.Х.(26) од Скопје, и двете  со скопски регистарски ознаки.

Во незгодата сопатниците од возилото Ш.Х.(54) и С.Х.(19) се здобиле со тешки телесни повреди повреди, а возачот и сопатничка од возилото С.Х.(43), како и 16-годишен патник од автобусот со телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“.

Извршен бил увид на местото на незгодата од увидна екипа од СВР Скопје“.