Пендаровски: Со Србија споделуваме заедничко минато и се стремиме кон иста цел
Пријателството со Србија во иднина очекувам да го градиме уште поинтензивно бидејќи споделуваме заедничко минато и се стремиме кон иста цел – членство во ЕУ. За нашите стратешки цели денеска имав корисен разговор со претседателот на Србија, Вучиќ. Европската Унија не смее да го изостави Западен Балкан. Единствената гаранција за стабилност, сигурност и просперитет за регионот е членство во ЕУ, напиша претседателот Стево Пендаровски на својот Фејсбук профил по денешната тет-а-тет средба со српскиот претседател Александар Вучиќ во Белград.
Претседателот Пендаровски кој престојува во дводневна официјална посета на Србија, претпладнето беше пречекан од Вучиќ пред Палатата Србија во Белград со највисоки државни и воени почести.
Двајцата претседатели има тет-а-тет средба, на која ги потврдиле пријателските односи меѓу Република Македонија и Република Србија и ја потенцирале важноста и посветеноста на градењето, одржувањето и унапредување на меѓусебниот дијалог.
По средбата на двајцата претседатели, се одржи и пленарен состанок меѓу делегациите на Република Македонија и на Република Србија, по што ќе следува и заедничка пре-конференција на претседателите.
Во рамки на официјалната посета, претседателот Пендаровски ќе се сретне и српската премиерка Ана Брнабиќ, со претседателката на Народното собрание, Маја Гојковиќ, како и со претседателот на Стопанската комора на Србија, Марко Чадеж и стопанственици.
Пендаровски утре во Нови Сад ќе учествува на 4. Регионален младински форум и ќе се обрати на претседателската панел-дискусија „Обраќање на младите пред претставниците на влаcта: презентирање на политичкиот дијалог пред милениумците“, заедно со претседателот на Република Србија Александар Вучиќ и претседателот на Република Словенија Борут Пахор.
Ново на Сител
-
До четврток посвежо со локална нестабилност и пообилни врнежи
-
Германската амбасада со честитки до Силјановска Давјкова за преземањето на нејзината улога како прва жена претседател
-
„Политико“: Силјановска-Давкова предизвика расправии со Грција уште при полагањето заклетва
-
ДИК ќе одлучува по однос на пристигнатите приговори од парламентарните избори
-
За брзо возење казнети 553 возачи
-
Руската армија тврди дека неутрализирала 31 украински дрон
-
Одложено судењето за „Шпански скали“
-
За прв пат од 2004 година, ниту Ѓоковиќ ниту Надал нема да бидат во четвртфиналето во Рим