Отворени биралиштата за изборите во Јапонија
– Во 47-те префектури во Јапонија денеска беа отворени гласачките места за Горниот дом на јапонскиот Парламент, два дена по убиството на поранешниот премиер Шинзо Абе, лидерот на Либерално-демократската партија (ЛДП).
Изборите за помалку влијателниот дом на Парламентот се сметаат за еден вид референдум за владата, а анкетите пред гласањето и пред убиството на Абе покажаа дека владејачкиот блок предводен од премиерот Фумија Кишида има најголема поддршка.
Опозицијата сакаше да ги одложи изборите, но премиерот истакна дека демократијата не може да попушти на насилството.
Абе, современиот лидер со најдолг стаж во Јапонија, беше убиен во петокот за време на говор за поддршка на локалниот кандидат во западниот град Нара.
Јапонскиот политички естаблишмент го осуди атентатот на Абе, нагласувајќи дека атентатот е „напад врз самата демократија“.
Изборната кампања беше прекината по атентатот на Абе, но политичарите ги продолжија своите предизборни активности веќе во саботата.
Убедлива победа на изборите ќе му помогне на Кишида да ја консолидира моќта и да му овозможи да ја постигне својата цел – зголемување на државните распределби за системот на национална одбрана.
Ново на Сител
-
По предлог на Вајц, одложено гласањето за предлог-извештајот за напредокот на Македонија
-
ДУИ поднесе интерпелација за претседателот на Уставниот суд
-
ВРЕДИ се уште нема став за една изборна единица
-
Анкетна комисија за Кочани
-
Економскиот раст е добар показател, се бара решение за инфлацијата
-
Договорците во здравството година и половина чекаат решенија – од Здравство тврдат дека постапката е во тек
-
Скопје остана без приватни превозници, тврдат дека ЈСП им должи два и пол милиони евра
-
Судовите се неажурни во работата, нерешени им стојат 150 илјади предмети