Отстранет двоглавиот орел од Кораб, на местото повторно се вее македонското знаме | ФОТО

Двоглавиот орел, кој деновиве беше забележан на Кораб, повеќе не се наоѓа на местото каде што беше поставен, покажуваат најновите фотографии што се споделуваат на социјалните мрежи.

Претходно, на интернет беа објавени фотографии од планинари кои позираат покрај симболот, што предизвика бројни реакции и коментари во јавноста.

Засега нема официјални информации кој го поставил двоглавиот орел, ниту кој го отстранил.

На најновите фотографии од локацијата се гледа дека симболот е отстранет, а на местото повторно се вее македонското знаме.