Општина Кавадарци ќе им помага на изнемоштените и невработените
Општина Кавадарци преку јавен повик ги информира заинтересираните да се вклучат во Програмата за oпштинско-корисна работа, проект „Грижа за стари, изнемоштени и лица со оштетен вид“. Преку овој проект, на изнемоштените им се нуди помош, а на невработените работно ангажирање.
Проектот е врз основа на договорот за соработка меѓу Агенцијата за вработување на Република Македонија, Програмата за развој на Обединетите нации УНДП и општина Кавадарци, согласно Оперативниот план за активни програми и мерки за вработување и услуги на пазарот на трудот за 2016 година и Програмата за општо-корисна работа.
- Се повикуваат сите стари и изнемоштени лица, кои живеат сами, односно со својот брачен другар, на кои им е потребна грижа, инвалидизирани лица на кои им е потребна нега, како и лицата со оштетен вид, кои имаат потреба од поддршка, да се вклучат како крајни корисници, стои во повикот.
На лицата ќе им биде овозможена шестмесечна елементарна помош и грижа, при набавка и достава на храна, лекарства и други намирници за кои ќе имаат потреба, при плаќање сметки...
Општината исто така ги повикува сите евидентирани невработени лица кои се заинтересирани да се вклучат во проектот, за работно ангажирање со скратено работно време за период од шест месеци. Невработените да се пријават во Центарот за вработување Кавадарци. Според општината, невработените ќе се стекнат со вештини и постепено ќе се вклучат на пазарот на труд.
- За периодот додека работат им останува статусот невработени и корисници на социјална помош, доколку се социјални случаи. За нив е предвиден паричен надомест во висина од 6.200 денари, со вклучен персонален данок и осигурување во случај на несреќа при работа и професионално заболување, појаснуваат од општина Кавадарци.
Ново на Сител
-
Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце
-
Најмалку пет лица загинаа во торнадо во јужна Кина
-
Зеленски: На Украина и требаат најмалку седум ПВО системи „Патриот“
-
Сончево и релативно топло
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило