ОМД: Изборите клучни за идните генерации на Македонија
Обединетата Македонска Дијаспора, (ОМД), ги повикува сите граѓани на Република Македонија со право на глас, со живеалиште во и надвор од татковината, да излезат и да гласаат на изборите овој викенд на 10 и 11 декември, 2016 година.
ОМД, како што стои во соопштението, смета дека овие избори не се само клучни за демократското унапредување на Македонија, туку и за идните генерации на Македонија.
- Македонија е пред ćе на сите нас, и личните и партиските интереси треба да се ставаат настрана, во интерес на народот и особено младите како идни лидери на Македонија, наведуваат од ОМД.
Без разлика на резултатите од изборите, кои се надева ќе бидат фер и демократски според западните стандарди, ОМД порачува поголема посветеност на градење општество каде правото ќе надвладее и кое ќе се бори против криминал, корупција, злоуптотреба, поделба на народот, против федерализација на државата, говор на омраза, закани - атрибути кои се познати на изборите во последните 25 години. - Македонскиот народ и нашите претци заслужуваат таква посветеност, ништо помалку, истакнуваат од ОМД.
Посочуваат дека после овие две години во демократска стагнација, идната Влада ќе мора да се посвети на враќање на позитивната слика на Македонија во светот, како лидер во Балканот во сите полиња, идна членка на НАТО и ЕУ. Сметаат дека исклучително важно е членството во НАТО, со кое, стравот за можна федерализација на Македонија ќе згаснe.
Ги повикува граѓаните да излезат да гласаат за демократска, суверена, слободна, просперитетна и стабилна Македонија.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување