Одбележан патронот на манастирот „Св.Георгиј Победоносец“ во Рајчица
Во присуство на голем број верници од повеќе градови од државава, некогашни жители на селото и нивни потомци, е одбележан празникот Свети Великомаченик Георгиј, патрон на манастирот „Св.Георгиј Победоносец“ во дебарското село Рајчица.
Одбележувањето почна синоќа со вечерна богослужба и продолжи и денеска со утрена богослужба, а потоа и со света архиерејска литургија, со која чиноначалствуваше митрополитот дебарско-кичевски г. Тимотеј.
На одбележувањето на патронот по традиција присуствуваа голем број верници од Битола, Скопје, Гостивар, Тетово, Кичево, Струмица, но и дебрани. Тука беа и поранешни жители на селото и нивни потомци.
Меѓу големиот број верници имаше и Македонци од Солун кои на македонски јазик го изразија задоволството што денеска се во манастирот.
Манастирот „Св. Ѓорѓи Победоносец“, е женски манастир. Се претпоставува дека е основан во почетокот на XIV век, како метох на Бигорскиот манастир. Сепак точната година на изградба на манастирскиот конак е 1835 година во времето кога игумен на Бигорскиот манастир бил архимандритот Арсениј од Галичник.
Црквата била зографисана и живописана во периодот од 1840 до 1852 година, од зографот Михаил и монахот Даниил од Бигорскиот манастир, додека долниот дел го досликал нивниот ученик Дичо Зограф од Тресонче. Во манастирот се чуват делови од моштите на свети великомаченик Георгиј Победоносец.
Ново на Сител
-
Парада на гордоста
-
Почна расправата за новата влада
-
Тема на денот со Стојанче Ангелов, директор на ЦУК
-
Почна расправата за избор на новата влада
-
Високите температури направија хаос на Задушница: Луѓето со часови чекале автобус за да отидат на гробишта
-
Се води битка со пожарите
-
Анализа: Како се случи енергетскиот колапс во регионот?
-
Колку ќе заштеди здравството со укинувањето на организациските директори?