Од урнатините на зградата во Мајами извадени уште две тела, вкупно досега 20 загинати

Телата на уште две лица се пронајдени под урнатините на зградата во Мајами, на Флорида, со што бројот на жртвите се зголеми на 20, додека 128 лица се уште се водат за исчезнати

Градоначалничката на округот Мајами-Даде, Даниела Левин Кава, изјави дека двете тела се пронајдени синоќа, откако претходно загриженоста за нестабилност на градбата предизвика 15-часовен прекин во потрагата по преживеани, јавуваат американските медиуми.

Потрагата по преживеаните беше стопирана нешто по 2 часот по полноќ по локално време, поради придвижувење во урнатините, што ги загрижи властите.

Приближно половина од 12-катната зграда со 136 станбени единици се урна минатиот четврток, и оттогаш спасувачите трагаа во урнатините, користејќи кранови, инфрацрвени скенери и кучиња.

Директорот на Одделот за вонредни состојби во Мајами, Дејд Чарлс Сирел, рече дека повеќе од 50 служби и агенции работат на местото на несреќата, вклучувајќи и над 900 вработени.

Засега не е позната причината за катастрофата, но медиумите јавуваат дека зградата претрпела структурални оштетувања.