Од 1 јули во Швајцарија ќе може да се склучуваат истополови бракови
Истополовите бракови во Швајцарија ќе може да се склучуваат од 1 јули следната година, соопшти денеска владата на таа земја.
Одлуката беше донесена откако на референдумот, одржан на 26 септември, со големо мнозинство се изгласа истополовите бракови да бидат законски еднакви на хетеросексуалните бракови, вклучително и правото на посвојување деца.
Најавено е дека од тој датум, Швајцарија ќе ги признае истополовите бракови склучени во други земји, кои досега ги третираше како граѓански партнерства.
Владата најави дека од 1 јули повеќе нема да може да се склучуваат граѓански партнерства, а на паровите кои веќе се во такви заедници, кои државата ги легализираше во 2007 година, им е дозволено да останат во нив без обврска за брак.
Стапувањето на сила на референдумските одлуки е одложено поради административни и законски процедури.
Швајцарија е една од ретките земји во Западна Европа каде истополовите бракови сè уште не се легализирани.
Ново на Сител
-
Силен земјотрес со јачина од 6,2 степени во близина на Нов Зеланд
-
Кремљ го отфрли предлогот на Киев за 30-дневно примирје
-
Двајца битолчани украле бакарен кабел и други предмети во вредност од 2.970.000 денари
-
Делегација на ВМРО-ДПМНЕ во Валенсија
-
Find Your Beauty: dm ве поканува на најголемиот beauty настан досега
-
Бектеши останува во притвор, одлучи Апелациониот суд
-
ЕК: Прекинот на струја во Шпанија и Португалија не е кибер напад, но е лекција за потребата од подготвеност
-
Додека го апселе прилепчанец украл пиштол на полицаец