Нови обвиненија против мировници на ОН за сексуална злоупотреба
Обединетите нации соопштија синоќа дека од почетокот на годината примиле 44 нови обвиненија за сексуалну злоупотреби на повеќе од 40 малолетници, кои наводно ги извршиле припадници на мировните сили на ОН, а и друг персонал на мисиите на Организацијата во светот.
Портпаролот на ОН, Стефан Дижарик изјави дека 29 обвиненија се поднесени до мировната мисија на ОН во Централноафриканската Република, седум до мисијата во Конго, две на Хаити и по една во Јужен Судан, Брегот на Слоновата Коска, Мали, спорната погранична територија меѓу Судан и Јужен Судан, како и до политичката мисија на ОН во Либија и мисијата која ја надгледува мировната спогодба на Блискиот Исток.
ОН повеќе месеци се во центарот на вниманието поради обвиненијата за силување деца и други видови сексуални злоупотреби, извршени од страна на припадници на мировните сили на ОН, најмногу во Централноафриканската Република и Конго.
ОН на 31 март соопштија дека 108 девојчиња и жени пријавиле сексуална злоупотреба од страна на припадници на мировните сили во префектурата Кемо во Централноафриканската Република, кои се случувале во периодот меѓу 2013 и 2015 година.
Дижарик синоќа изјави дека нема нови информации за таа истрага, која ја спроведува Канцеларијата на ОН за интерна контрола.
ОН има 105 илјади мировници распоредени на 16 кризни локации ширум светот, како и политички мисии во повеќе земји, вклучувајќи ги Авганистан, Ирак и Сомалија.
Генералниот секретар на ОН Бан Ки-мун препорача припадниците на мировните сили обвинети за сексуално злоупотребување да бидат изведени пред воен суд во земјите, каде тие инциденти се случиле.
Ново на Сител
-
Мицкоски: Никогаш нема да го политизирам случајот во Кочани, ќе се постапува за секој што е одговорен
-
Убиени ученици и наставници во пукање во училиште во Грац, напаѓачот си го одзел животот
-
Забранет е увоз на пилешко од Бразил и на месо од мали преживари од Албанија
-
Над 12 000 инспекциски контроли, уништени околу 56 тони небезбедна храна
-
Приведени тројца тетовчани - пронајдени пиштол, стотици куршуми, дрога
-
Кривична за градоначалникот на Росоман - фалсификувал исправи, купувал алкохол, млечни и сувомеснати производи за домашна потрошувачка
-
Рама: Почнавме со подготовките за Самитот на НАТО
-
30 дена притвор за Нацев, сопственик на агенцијата за обезбедување „Рубикон“