Нов протест на студентите во Грција
Да се отворат факултетите, да не се воведе универзитетска полиција и да не се имплементира новиот закон за високо образование, изгласан во Парламентот, се барањата на грчките студенти кои денеска ќе одржат нов протест.
Иако новиот закон пред две седмици доби зелено светло од грчките пратеници, студентите не се откажуваат од нивната битка и велат дека веќе еден месец ги преполнуваат улиците во Атина, а нивните слогани и барања гласно се слушнаа.
-Владата во време на пандемија го донесе законот, со надеж дека ќе не фати на спиење за да не наиде на реакции, но големите демонстрации ѝ ги уништија плановите. Успеавме, во услови на пандемија, и покрај мизерните забрани, да ја покажеме нашата сила. Преку нашата колективност и организација ќе ја продолжиме нашата борба за законот да остане на хартија и да се вратиме на факултетите, соопштуваат од студентските здруженија кои го организираат денешниот протест во Атина.
И покрај карантинот, студентите од крајот на јануари одржаа низа протести како во Атина, така и во другите грчки градови.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата