Ноќна трка во Градскиот парк

Во организација на Endurance.mk (АК Индјуренс – Скопје) по втор пат ќе биде организирана атлетската манифестација “City Park Night 21”.

Настанот е од рекреативен и отворен карактер за сите атлетски клубови, активни атлетичари, рекреативци, љубители на трчањето во природа, од нашата земја, како и надвор од нашите граници.

Од информациите од организаторот на трката се пријавени околу 110 натпреварувачи.

Стартот на Полумаратон ќе биде видно обележан и се наоѓа во непосредна близина на дискотеката Икс Ел (XL) во Градскиот Парк. Патеката е кружна. Еден круг изнесува 1750м и се вртат вкупно 12 круга.

Финишот е помалку од 100м подолу од стартот, исто така видно обележан, со балон/капија на самата финиш линија и рефлекторско осветлување.

Патеката е прегледна, обележана околу целиот круг, како и на критичните вртења.