ОН: Никој не треба да го трпи она што го трпат луѓето во Алепо

Цивилите во Алепо преживуваат „дивјаштво кое ниту едно човечко битие не треба да го трпи“, изјави денеска шефот на хуманитарната канцеларија на ОН, Стивен О’Брајан.

Тој повика на итно воведување нови мерки за да се намалат страдањата на 250.000 луѓе кои живеат во делови од Алепо и кои се цел на сириската армија која покрена офанзива со намера да преземе контрола над градот од бунтовничките сили.

– Здравствениот систем во источниот дел од Алепо е целосно уништен, изјави О’Брајан.

– Сите болници, една по една, се целосно уништени, додаде тој и упати повик до завојуваните страни да дозволат барем евакуација на стотици цивили на кои итно им е потребна здравствена помош.