Нигерија подготвена да преговара со Боко Харам за грабнатите ученички
Нигерискиот претседател Мухамаду Бухари изјави дека е подготвен да преговара со милитантната исламистичка група Боко Харам, за спасување на повеќе од 200 ученички, киднапирани во април 2014 година.
Според Бухару, вооружената група сега може да ја покаже својата кредибилност низ преговорите за кои нигериската влада е подготвена, без никакви предуслови.
Ученичките, тогаш сите малолетнички, беа грабнати од нивното училиште во градот Чибок, во североисточна Нигерија, предизвикувајќи остри осуди во меѓународната јавност.
Подоцна светот беше еднодушен во осудите кон тогашниот претседател Гудлак Џонатан и армиските сили кои не успеаја да ги спасат девојчињата.
Бухари кој е претседател од мај годинава, признава дека не располага со разузнавачки информации за тоа каде се наоѓаат киднапираните ученички, ако и за тоа каква е нивната состојба.
Во измнатите месеци, нигериската армија презеде повеќе офанзиви во североисти очниот дел од земјата, успевајќи да врати поголемиот дел од територијата што беше под контрола на Боко Харам. Војската успеа да ослободи и голем број киднапирани лица, но неуспеа да ги открие и да ги ослободи ученичките.
Изјавата на претседателот Бухари ,за спремноста да се преговара со Боко Харам, што е прва таква понуда досега, претставува реакција на критиките на локалните политичари од Чибок кои го обвинија шефот на држават дека и тој ги заборавил грабнатите ученички.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка