Невреме предизвика прекини во летовите кон и од Амстердам

Невреме, проследено со силен ветер, предизвика прекини на сообраќајот на аеродромот Схипхол во холандскиот град Амстердам. 

Ветерот дува со брзина до 120 километри на час, поради што аеродромската управа откажа 176 од предвидените 1.200 летови и најави дека е можно да откаже и дополнителни полети.

Преостанатите слетување и полетување се спроведуваат со доцнење од по половина час.

Схипхол е еден од најпрометните аеродроми во Европа.