Нетанјаху и Трамп во Белата куќа ќе разговараат за американските царини, Хамас, Иран...
Израелскиот премиер Бенјамин Нетанјаху денеска во Белата куќа ќе се сретне со американскиот претседател Доналд Трамп, а главна тема на разговор ќе бидат новите царини што САД му ги воведоа на Израел, соопшти кабинетот на Нетанјаху.
Двајцата лидери, исто така, се очекува да разговараат за заложниците кои ги држеше палестинската милитантна група Хамас, потенцијалните тензии меѓу Израел и Турција во Сирија и напорите за одвраќање на Иран.
Министерот за стратешки прашања Рон Дермер, исто така, отпатува за Вашингтон и ќе учествува на состаноци со високи претставници на Белата куќа, потврди за „Тајмс оф Израел“ член на придружбата на премиерот Нетанјаху.
Се очекува Нетанјаху да се сретне и со специјалниот претставник на САД за Блискиот Исток Стив Виткоф и министерот за трговија Хауард Лутник.
Пред средбата Нетанјаху-Трамп, Здружението на израелски производители објави анализа во која предупредува на огромен потенцијален удар врз економијата од новите американски царини.
Според документот, израелскиот извоз во САД ќе биде погоден со царини од 2,3 милијарди долари, што би можело да остави без работа повеќе од 20.000 луѓе.
Ново на Сител
-
Кривична за штипјанец, возел со 1.5 промили алкохол
-
Исчезнато 15-годишно девојче од скопско Кадино
-
Коцевски: Досега нема ниту еден доказ дека било побарано продолжување на лиценцата на „Пулс“ од актуелниот министер за економија
-
Полицијата во контроли на угостителски објекти ноќеска во Битола затекнала 20 малолетници, следуваат пријави
-
Десетици мртви во руски напад на Суми, Зеленски бара светот да ја казни Русија
-
Русија тврди дека соборила 13 украински дронови
-
Велика Британија ја презеде контролата врз фабриката за челик „Бритиш Стил“
-
Обвинителството и МВР ќе информираат за проширената истрага за пожарот во дискотеката „Пулс“