Недела на самоевалуација на Универзитетот „Св.Климент Охридски“-Битола
Универзитетот „Св.Климент Охридски“-Битола од денеска до 30 октомври на сите факултети ја реализира неделата на самоевалуација во која ќе бидат анкетирани студентите од универзитетот.
Марија Маленковска Тодорова, претседателка на комисијата за самоевалуација на Универзитетот „Св.Климент Охридски“-Битола појасни дека станува збор за законска обврска на универзитетите која се реализира со цел низ процес на самоевалуација да се воочи развојот на универзитетот, а за што ќе биде изработен и посебен извештај,
- Постапката на самооценување се врши со анонимен анкетен лист со кој се анализира квалитетот на наставната дејност, научно-истражувачките работи, меѓународната соработка, меѓууниверзитетската соработка во државата, учеството на универзитетот во меѓународни проекти за мобилност и соработката со стопанството. Самоевалуацијата се врши со претходно утврдена методологија и според европски стандарди, а ја реализираат сите студенти од универзитетот, од кои очекуваме реален критички и самокритички однос и непристрасност бидејќи анкетата е од нивна корист и директно влијаат врз квалитетот на студиите, посочи Маленковска Тодорова.
Извештајот за реализацијата на самоевалуација на Универзитетот „Св.Климент Охридски“-Битола ќе биде јавно објавен, потврдија од тимот што го реализира овој академски процес.
Ново на Сител
-
Течат рокови за приговори по вчерашното прегласување, привршуваат преговорите за Влада помеѓу ВМРО-ДПМНЕ и Вреди
-
Свечена академија во чест на Националниот ден на Власите
-
Тема на денот со Тимчо Муцунски, потпретседател на ВМРО-ДПМНЕ
-
„Македонија во чест на Свети Кирил“ - Претседателката се сретна со Папата
-
Македонците се условени да прифатат диктат откажувајќи се од самите себе, вели историчарот Панов
-
Преговорите за Влада во напредна фаза се уште нема конечен договор за Министерствата
-
Македонија во фокусот на грчката јавност
-
Продолжува хаосот на хирургија - 6ти ден не работат операционите сали