НБА плеј оф: Голден Стејт преку мајсторка до финалето

Шампионот на НБА лигата Голден Стејт со победата во мајсторката над Оклахома Сити со 96:88 (19:24; 23:24; 29:12; 25:28) се избори за финалето каде повторно како и лани ќе игра против Кливленд. Голден Стејт во финалето на Запад направи пресврт откако губеше 1-3 стигна до 4-3 во победи. Голден Стејт е само 10.тиот тим што успеал да се врати од негатива 1-3.

Најдобар поединец на последниот дуел со Оклахома Сити беше МВП играчот на сезоната Стеф Кари, кој постигна 36 поени, а Клеј Томсон реализираше 21. Кај Оклахома Сити анјефикасен беше Кевин Дјурант со 27 поени. Гостите од Оклахома Сити беа подобар тим во првиот дел, кога имаа и водство од 35:22, но во третата четвртина шампионот го направи пресвртот.

Финалето Голден Стејт - Килвленд почнува на 2.јуни, а првиот дуел се игра во Оукленд.