НБА лига: Торонто веднаш зад Кливленд

Кошаркарите на Торонто со победата постигната ноќеска над Орландо на домашен терен се доближија до лидерот на „Исток“ Кливленд и сега имаат само една победа помалку. Најпрецизни кај победничката екипа беа ДеМар ДеРозан со 25 поени и Луис Скола со 20. Торонто решавачката предност ја направи во последната четвртина (25:18) кога успеа ривалот да го „задржи“ на помалку од 20 поени.

Кливленд има скор 49-20 (победи-порази), а Торонто 48-21.

 

Резултати на ноќеска одиграните дуели:

Торонто – Орлнадо 105:100,

Далас – Портланд 132:120 (продолжение),

Филаделфија – Бостон 105:120,

Њу Орлеанс – ЛА Клиперс 109:105,

Милвоки – Јута 85:94 и

Њујорк – Сакраменто 80:88.