НАТО апелира на смирување на тензиите меѓу Турција и Русија
Советот на НАТО денеска одржа вонреден состанок во врска со соборувањето на рускиот авион од страна на турски ловец, на кој е оценето дека треба да се постигнат и да се почитуваат договори за избегнување вакви инциденти во иднина.
- Јасно повторувавме дека изразуваме солидарнист со Турција и поддршка на територијалниот интегритет на нашиот сојузник, се наведува во писмената изјава на генералниот секретар на НАТО, Јенс Столтенберг објавен по состанокот.
Столтенберг натаму нагласува дека за настанот разговарал со турскиот премиер Ахмед Давутоглу, како и дека Турција го информирала НАТО оти соборила авион на руското Воено воздухопловство, кој го нарушил турскиот воздушен простор.
- И предходно изразував загриженост поради можните последици од воените акции на Русија во близина на границите на НАТО, наведува Столтенберг во изјавата, додавајќи дека Алијансата внимателно ќе го следи развојот на настаните на своите југоисточни граници.
Првиот човек на НАТО натаму апелира за продолжување на контактите меѓу Анкара и Москва и повикува на смирување на тензиите и на деескалација на состојбата.
- Дипломатијата и деескалацијата се значајни за надминување на сегашната ситуација, порача Столтенберг во писмената изјава.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување