Намалена цената за уредување на градежното земјиште во Кочани

На денешната редовна седница на Советот на општина Кочани советниците донесоа едногласна одлука за намалување на висината на надоместокот за уредување на градежно земјиште на подрачјето на општина Кочани.

 

- Се намалува висината на надоместокот за уредување на градежно земјиште на подрачјето на општинатата, утврден со програмата за уредување на градежно земјиште на поодрачјето на општина Кочани за 2016 година за 20 проценти за објекти со намена за домување и комерцијални дејности, освен за  викенд куќите  на Спортско-рекреативниот центар Поиква, изјави Петар Апостолов,секретар на општина Кочани.

 

Според Апостолов намалувањето на висината на надоместокот за уредување на градежно земјиште од 20 проценти ќе важи од 1. февруари до 31 мај 2016 година и ќе придонесе за зголемување на индивидуалната градба во општина Кочани.