Најмалку десетмина загинати при напад на елитен хотел во Могадишу

-

Најмалку 10 лица загинаа, а повеќе од 11 се повредени при напад на хотел во сомалискиот главен град Могадишу, соопшти локалната полиција.

Меѓу жртвите има и војници и цивили.

Екстремистичката група Ал Шабаб ја презеде одговорноста за нападот со автомобил-бомба, кој експлодира пред хотелот „Наса Хаблод“, каде често престојуваат политичари и познати личности од јавниот живот во Могадишу.

Од хотелот се слушаат истрели, а Ал Шабаб тврди дека нивни членови се наоѓаат внатре.

Полицијата соопшти и дека во близина на објектот експлодирал и минибус.

Повеќе од 350 луѓе загинаа во експлозија на камион-бомба пред две недели во главниот град на Сомалија