Најмалку 37 полицајци и жандарми се повредени во судирите со демонстрантите во Париз
Според првичниот извештај на францускиот министер за внатрешни работи Жералд Дарманан, 37 полицајци и жандарми се повредени за време на демонстрациите во Париз, јави дописникот на МИА.
Министерот за внатрешни работи на Твитер го осуди „неприфатливото насилство врз полицијата“.
Истовремено претставник на синдикатот на полицијата објави снимка на која се гледа како млади лица облечени во црно ги напаѓаат силите на редот.
Плоштадот Бастилја каде дојде до судирите со полицијата полека се празни од демонстрантите. Полицијата употреби солзавец и водени топови за да ги растера демонстрантите.
На денешните демонстрации насловени „Марш за слободи против законите кои ја убиваат слободата“ се собраа 46.000 демонстранти, додека во цела Франција имало околу 130.000.
Слични демонстрации се одржаа ширум целата Франција, но инциденти покрај во Париз, беа забележани и во Лион, каде исто така полицијата употреби водени топови.
Поранешниот фрацуски претседател Франсоа Оланд, денеска побара поради „чест“повлекување на нацрт-законот наречен „општа безбедност“.
–Дебатата беше лошо започната, нејзиниот законодавен превод беше несоодветен колку што беше несреќна, рече поранешниот социјалистички претседател за текстот на законот и неговата водечка мерка, содржани во член 24, кој забранува да се објавуваат лицата на припадниците на силите на редот.
На денешните демонстрации на кои се бара повлекување на законот, се протестираше и против полициското насилство, особено по случајот на претепувањето на еден музички продуцент од страна на припадници на полицијата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп