Над 50 компании од САД ветија 650 милиони долари за поддршка на бегалците
Над 50 американски компании ветија 650 милиони долари за помош на бегалците во светот, соопшти Белата куќа.
Соопшението е објавено во момент кога американскиот претседател Барак Обама се обидува да најде начини за решавање на проблемите на бегалците пред светските лидери, кои се собраа во Њујорк на годишната сесија на Генералното собрание на Обединетите нации.
„Фејсбук“, „Твитер“, „Мастеркард“, „Џонсон и Џонсон“ и „Чобани“ се меѓу 51 компанија, кои ветија дека ќе го олеснат пристапот до образованието, работни места и финансиските услуги за 6,3 милиони бегалци во над 20 земји.
Обама беше подложен на критики дека не прави доволно за бегалците во светот. Тој во Њујорк организира самит со лидерите на Јордан, Мексико, Шведска, Германија, Канада, Етиопија и генералниот секретар на ОН Бан Ки-мун.
- Се очекува земјите учеснички да ги објават своите донации, согласно целта на САД за зголемување на хуманитарната помош со три милијарди долари, обезбедување на пристап до образование и работни места, изјави постојаниот претставник на САД во ОН, Саманта Пауер.
Светот се соочува во најголемата мигрантска криза по Втората светска војна. Над 65 милиони лица во светот ги напуштиле домовите поради вооружени конфликти или во потрага по подобар живот.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера