На барање на рускиот претседател, Путин и Бајден разговараа за актуелни теми
Претседателите на САД и Русија, Џо Бајден и Владимир Путин, на барање на рускиот лидер разговараа телефонски околу 50 минути. Ова беше втор разговор меѓу двајцата лидери за помалку од три седмици.
Путин повторно понуди мали индиции за неговите намери, изјавија официјалнo лицe по завршувањето на повикот, јави Си-Ен-Ен.
Наместо тоа, двајцата претседатели одржаа, според зборовите на американскиот официјален претставник „сериозна и суштинска“ дискусија, за време на која Бајден му претставил два патишта на Путин додека тој продолжува да собира руски војници на границата со Украина: едниот – дипломатски пат кон деескалација и еден со користење економски санкции, засилено присуство на американски војници на источното крило на НАТО и зголемена помош за Украина.
Кој пат ќе биде избран „ќе зависи од активностите на Русија во претстојниот период“, рече претставникот, велејќи дека ќе има „сериозна цена и последици“ доколку Русија продолжи со својата регионална агресија.
Путин, според Ушаков, одговорил со силно предупредување. Тој му рекол на Бајден дека воведувањето нова рунда санкции против Русија би претставувало „колосална грешка“ што може да доведе до целосен распад на односите меѓу двете земји.
Бајден, исто така, му рекол на Путин дека САД не планираат да распоредат офанзивно оружје во Украина, рече Ушаков. Путин „забележа дека ова е една од клучните точки вклучени во нацртот (за безбедносните гаранции што ги бара Русија)“, додаде Ушаков.
Околу 100.000 руски војници се распоредени долж украинската граница, и покрај предупредувањата од Бајден и европските лидери за сериозни последици доколку Путин се одлучи за инвазија. Американските официјални лица, исто така, велат дека Москва е вклучена во масовна кампања за дезинформации со цел да ја поткопа украинската влада пред националните избори во таа земја.
Разговорот меѓу Бајден и Путин доаѓа приближно две недели пред да се сретнат американските и руските дипломати во Женева за да разговараат за тековната криза. Пред тие дискусии, Русија јавно понуди листа на безбедносни грижи и барања што сака да се решат, вклучително и заложба дека на Украина никогаш нема да и биде дозволено да се приклучи на НАТО, а воена опрема од Алијансата нема да се поставува во нејзините поранешни советски држави.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците