МЗ: ВМРО-ДПМНЕ наместо конструктивност, одбира да ја опструира работата на здравствените работници

Во време на полициски час и затворени објекти, како би спречиле вирусот Ковид-19, да се шири, ВМРО ДПМНЕ одбира да прави партиски собири и да ги крши мерките по којзнае кој пат, стои во реакцијата на Министерството за здравство.

Грижата кон граѓаните погодени од ковид кризата, посочуваат од Министерството, опозициската ВМРО-ДПМНЕ, ја покажа и докажа синоќа во Собранието.

-ВМРО ДПМНЕ одбира да биде на страната на манипулациите, лагата, смислени сценарија за наводни криминали провизии. Министерството за здравство жали што опозициската партија одбива да искористи ефикасен и конструктивен демократски механизам туку единствено што прави ја опструира работата на здравствените работници кои се на правата борбена линија на ковид пандемијата, се наведува во реакцијата.