Мустафа: Ќе го разгледаме форматот на разговори со Србија
Косовскиот премир Иса Мустафа најави разгледување на форматот на разговори со Србија и оти причина за тоа е ставот на Белград кон Приштина.
- Ќе го разгледаме уште еднаш форматот. За мене позначајно е да има поширока застапеност на сите одговорни институции на Република Косово и од Претседателот и од Парлементот, но и од граѓанското општество во овој процес. Ќе го разгледаме начинот како да го вклучиме многу повеќе Парлементот во дијалогот во Брисел, со цел потоа одлуките кои ги донесуваме да бидат прифатливи и за пратениците и за граѓаните, изјави Мустафа за Гласот на Америка.
Тој го обвини Белград дека не се држи до дадените ветувања на разговорите да не го попречува евроинтегративниот процес на Приштина.
- Ги блокираат сите процеси за кои дадоа ветување дека нема да го чинат тоа, бидејќи со првиот договор Србија вети дека нема да го попречува Косово, но ни Косово Србија во европскиот интегративен процес, изјави Мустафа.
При тоа, тој како најсвеж пример го споменува зачленувањето на неговата земја во европската фудбалска асоциација УЕФА, кога Србија сторила се да го спречи тоа, но не успеала.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните