Свет
13. September 2016 - 20:38

Москва: САД да влијаат врз групите кои го кршат примирјето во Сирија

Русија денеска ги повика САД да извршат влијание врз некои од вооружените групи во Сирија, кои одбиваат да ја прекинат борбата против владините сили, наведувајќи дека нивните акции ги попречуваат заедничките напори на Москва и Вашингтон за покренување на мировниот процес во Сирија.

- Силно апелираме до сите оние кои имаат влијание врз прекршителите на примирјето, првенствено американската страна, кончено да се посветат на своите клиенти. Не смее да им се дозволи нивните провокативни акции да ја осуетат можноста за враќање на политичкото решение на сириската криза, се наведува во соопштението на руското Министерство за надворешни работи.

Во соопштението се истакнува дека некои од тие групи отворено изјавуваат дека не сакаат да се дистанцираат од Џабхат Фатах ал Шама, групата претходно позната како Нусра фронт.

Претходно, руската армија соопшти дека примирјето договорено со посредство на Русија и САД се почитува во Алепо.