МОН: Пријавувањето за патување за најдобрите студенти завршува утре
Пријавувањето за наградно патување во Париз, Барселона или Венеција за најдобрите студенти трае до утре, 18 март, потсетува Министерството за образование и наука.
Може да аплицираат студентите од првите три најдоброрангирани универзитети: „Св. „Кирил и Методиј“-Скопје, „Гоце Делчев“-Штип и Универзитетот на Југоисточна Европа-Тетово.
- Останати услови кои треба да ги исполнат студентите се: да немаат повторувано година, да имаат просек над 9,5 и да го имаат положено последниот испит од студиите најдоцна во јануарската испитна сесија годинава, не подоцна од 15 февруари, а сè уште да ја немаат одбрането дипломската работа, односно да го немаат подигнато уверението за завршено високо образование, доколку на нивниот факултет не е предвидено бранење дипломски труд, соопшти МОН.
Студентите што ги исполнуваат условите треба најдоцна до утре до Министерството за образование и наука да достават пополнета пријава. Патувањето во Париз, Барселона или Венеција е со целосно покриени трошоци за сместување, за храна и за авионски превоз.
Јавниот повик со сите дополнителни информации е достапен на интернет-страницата на Министерството за образование и наука www.mon.gov.mk.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски