Могерини ги очекува актуелните премиери на шесте балкански држави во Брисел
Високата претставничка за надворешна и безбедносна политика на Европската унија, Федерика Могерини, на неформалната вечера со претседателите на владите на Македонија, Србија, Косово, Босна и Херцеговина, Албанија и Црна Гора, што ја закажа за среда (24 мај) ќе ги очекува актуелните премиери на овие шест балкански држави.
Како што јавува дописникот на МИА од Брисел, ова го потврди портпаролката на Европската комисија, Маја Коцијанчич, како одговор на шпекулациите дека од Македонија и Србија е можно на овој состанок посветен на Берлинската конференција, да присуствуваат можните идни нови премиери, по парламентарните и претседателските избори во овие земји.
- Поканата е испратена до премиерите. Ние ќе ги потврдиме имињата на оние кои ќе присуствуваат на оваа неформална вечера кога ќе бидеме поблиску до датумот, изјави портпаролката Коцијанчич за МИА. Ова значи дека во случајот со Македонија, доколку до среда не биде избрана нова Влада со нов нејзин претседател, дека на состанокот на шесте премиери од Балканот со Могерини ќе присуствува актуелниот претседател на македонската Влада, Емил Димитриев. Ист е и случајот со Србија, чиј актуелен премиер Александар Вучиќ е избран претседател на оваа држава, но новата функција се очекува да ја преземе од 1. јуни, па и тој во својство на актуелен српски премиер би бил дел од овој неформален состанок.
Популарно од Македонија
Ново на Сител
-
Кривична против неготинец поради сомнеж за „ширење на расистички и ксенофобичен материјал по пат на компјутерски систем
-
Во штипскиот затвор почина Кире Ѓорѓиевски, еден од осудените за случајот 27 април
-
Цеца исвиркана од публиката во Велес откако подигна бугарско знаме - настапот беше прекинат
-
Тековно се спроведува гласањето на болните и немоќните, осудените лица и сместените во домот за стари лица во Куманово
-
Вучиќ ќе присуствува на помен и молитва во црква во Белград за жртвите во Нови Сад
-
Јужна Кореја вети дека ќе продолжи со обидите за зближување со Северна Кореја
-
ДИК: Гласањето на болни и затвореници се одвива непречено
-
Си ги повика економиите на Азиско-пацифичкиот регион заеднички да создадат одржлива иднина
