Младите и ЕУ-работилница во Кочани

Во организација на ЕУ Инфо-центарот од Скопје со поддршка од ЕУ Инфо-точката во Кочани и Општина Кочани, денеска се одржа  работилница под наслов „Отворени врати за учениците“ на која присуствуваа педесетина ученици од двете средни училишта од општината.

- Работилницата ја организираме со цел да ги запознеме младите со Европската унија, нејзините делови, начинот на работа и делување. Ова е активност која како ЕУ Инфо точка ја спроведуваме неколку години по ред и постигнуваме  резултати, истакна Гоце Серафимов, претставник на ЕУ Инфо- точката  на општина Кочани.

Работилницата беше збогатена и со предавањето на д-р Игор Јовановски, кој преку интерактивно предавање ги запозна учениците за историјатра на ЕУ, телата и нституциите на ЕУ.