Мистериозна смрт во радовишко: Ја повредил невенчаната жена со секира, а подоцна го пронашле мртов

Завчера во 20,20 часот во Полициска станица Радовиш, од Јавна здравствена установа Радовиш, било пријавено дека била донесена И.Д.(63) од Радовиш со тешки телесни повреди по што истата била префрлена во Комплекс клиники „Мајка Тереза“ во Скопје. По преземени мерки, било утврдено дека околу 20,00 часот, во Радовиш на улица.„Калаузлиска“ во куќата на И.Д. дошол Ш.Х. (40), со кого истата претходно живеела во вонбрачна заедница, и по претходна вербална расправија, Ш.Х физички ја нападнал и со секира и нанел повреди, по што го напуштил местото на настанот.

Вчера околу 14,00 часот во Полициска станица Радовиш, лице од село Калаузлија, радовишко, пријавил дека во атар на село Раклиш, радовишко на место викано „Мршин Дол“, во „Мантово“ било пронајдено телото на Ш.Х.(40) од Радовиш, а по извршен преглед кај истиот била констатирана смрт. 

Извршен е увид на местото на настанот, телото е предадено на обдукција.

Се преземаат мерки за целосно расчистување на настаните.