Меѓународна конференција „Корисникот и библиотеката - минато и иднина“

Меѓународна конференција „Корисникот и библиотеката - минато и иднина“ денеска и утре ќе се одржи во Националната и универзитетска библиотека „Св. Климент Охридски“ – Скопје. 

Организатори на конференцијата се Библиотекарското здружение на Македонија, Националната и универзитетска библиотека „Св. Климент Охридски“ - Скопје и Македонските е-библиотеки.

Најавено е конференцијата да ја отвори заменик-министерот за култура Владимир Лазовски, а ќе се обратат и Сенка Наумовска, директорка на НУБ „Св. Климент Охридски“ - Скопје и Благој Николов, претседател на Библиотекарското здружение на Македонија.

Учесниците на конференцијата ќе зборуваат за повеќе теми, како истражувања и нови трендови во библиотеките, современи библиотечно-информациски услуги, потенцијални корисници,  библиотечните технологии и навиките на корисниците.