Манафорт бара откажување на судскиот процес против него

Поранешниот шеф на предизборниот штаб на американскиот претседател Доналд Трамп, Пол Манафорт рано изутринава побара од Суд во Вашингтон да го откаже судскиот процес што се води против него во врска со лобирањето во полза на Украина.  

Адвокатите на Манафорт, против кого се води постапка и за измами, оценија дека специјалниот обвинител Роберт Мјулер ги надминал своите овласувања со тоа што го обвинил нивниот клиент за дела извршени пред да биде ангажиран во американската претседателска кампања во 2016 година.

Мјулер беше именуван за специјален обвинител со задача да ги испита врските на членови на изборниот штаб на Трамп со Русија.

Според адвокатите на Манафорт, неговиот ангажман како лобист за Украина завршил уште во 2014 година.