Македонските одбојкари се подготвуваат за Европската златна лига и претстојното ЕП во Скопје
По воведниот дел што беше реализиран во Маврово, македонската машка одбојкарска репрезентација ги продолжува во Скопје подготовките за настап во Европската златна лига и Европското првенство на кое ќе биде домаќин на крајот на ова лето.
Еден од најискусните во македонскиот табор, Владо Милев, во изјава за официјалниот сајт на Одбојкарската федерација на Македонија (ОФМ) изрази задоволство од текот на подготовките, наведувајќи дека екипата полека влегува во натпреварувачки ритам.
„По еднонеделните подготовки во Маврово сега влеговме во оваа втора фаза и сè тече во најдобар ред. Ме радува што здравствениот билтен е добар. Продолжуваме со засилено темпо да работиме на воигрување на екипата и полека да влегуваме во натпреварувачки ритам“, изјави Милев.
Настапот во Европската златна лига избраниците на селекторот Јошко Миленковски ќе го почнат на гостински терен против Украина во рамки на групата во која се и репрезентациите на Белгија и Холандија.
Натпреварите во Европската златна лига за македонските одбојкари ќе бидат добра подготовка за централниот настан што ги очекуваа година и настапот на Европското првенство, од 18 август до 16 септември, на кое Скопје ќе биде еден од градовите домаќини.
Макеоднската репрезентација е во групата Ц заедно со Црна Гора, Полска, Холандија, Чешка и Данска.
Ново на Сител
-
Малолетничка пријавила дека доктор ја допирал по телото на клиниката „Мајка Тереза“
-
Папата Лав Четиринаесетти ги повика светските сили да ги прекинат сите војни
-
Мицкоски: Следната недела ќе имаме завршна средба со Таравари, Владата е стабилна и фокусирана на проекти
-
Вандали ја саботирале електричната инсталација во штипската модуларна болница
-
Основната плата во државата не може да биде пониска од минималната плата – Независниот синдикат на полицијата утре излегува на протест
-
Трипуновски: Излегуваме во пресрет на земјоделците, ќе ја направиме проценката за да се обноват површините зафатени од невремето
-
Во Скопје синоќа 92 сообраќајни прекршоци, 50 санкционирани возачи на мотоцикл
-
Најмалку 104 лица го загубија животот, а 28 се повредени во поплави во источниот дел на ДР Конго