Мајка и седум деца загинаа во пожар во Франција

Мајка и нејзините седум деца на возраст од две до 14 години загинаа во пожар што ја зафатил нивната куќа во северна Франција, соопштија полицијата и пожарникарите.

Пожарот избувнал нешто по полноќ во семејната куќа во градот Шарли-сур-Марн, околу 80 километри источно од Париз.

Сопругот на жената, татко на три од децата, се здобил со изгореници и е хоспитализиран.