ЛШ - жени: ЖРК Вардар гостува во Подгорица

Македонскиот женски ракометен првак ЖРК Вардар вечерва (почеток 19:30 часот) ги продолжува натпреварите од Лигата на шампионите. „Вардарки“ гостуваат кај незгодиниот ривал Будуќност на нивни терен во Подгорица. Овие два тима во ЛШ имаат одиграно седум натпревари, ЖРК Вардар има две победи, а Будќност четири со еден нерешен резултат. Последните два натпревара во ЛШ завршија со победи на ЖРК Вардар, а последниот дуел во рамките на регионалната лига заврши со триумф на Будуќност од 30:29.

Тренерот на ЖРК Вардар Давид Дејвис истакна дека неговата екипа е подготвена за дуелот и посакува позитивен резултат на гостувањето во Подгорица.

 

Покрај овој дуел денеска играат уште: Турингер – Астраханочка и Митјиланд – Есбјерг.

На натпреварите досега одиграни: Мец – ФТЦ 25:28, Ѓер – Крим 39:22 и Букурешт – Ларвик 26:26.

 

Табела група 1: ЖРК Вардар 7 бодови, ФТЦ 7, Будуќност 6, Мец 4, Турингер 2, Астраханочка 0.

Табела група 2: Ѓер 8, Крим 6, Ларвик 5, Митјиланд 4, Букурешт 3, Есбјерг 2.