Литературната манифестација „Есен во Гази Баба“

Во основното училиште „Григор Прличев“ денеска се одржа литературната манифестација „Есен во Гази Баба“, како дел од одбележувањето на Денот на општина Гази Баба „3-ти ноември“. 

За манифестацијата имаше објавено литературен конкурс „Есеј за есен“, на кој учествуваа ученици од сите основни училишта. Денеска беа прогласени петте најдобри ученици, кои од Сојузот за грижа и воспитување на децата се наградени со летување во детско одмаралиште во Охрид. 

Во рамките на манифестацијата, градоначалникот Тони Трајковски, заедно со директорката на основното училиште Григор Прличев, Сузана Танева и претставникот од Сојузот за грижа и воспитување на децата на Македонија, Горјан Петрески, засадија седум дрвца во поетската шума „Сердарот“, во дворот на основото училиште.