Левица: Посетата на Курти беше флагрантно понижување на интегритетот и суверенитетот на државата
„Неофицијалната посета на косовскиот премиер Албин Курти на општините Тетово и Чаир беше флагрантно понижување на интегритетот и суверенитетот на Република Македонија!
Курти присуствуваше на преименувањето на улицата „Втора македонска бригада“ (паметник за антифашистичкото минато) во „Адем Демачи“, кој е косовски политичар обвинет за сецесионизам во СФРЈ, додека во Тетово присуствуваше на настан на кој се вееше знамето на ,,Голема Албанија’’. На „настанот“ присуствуваа и лидерите на опозициските партии на Албанците.“- велат од Левица во своето соопштение.
-Целата посета на Албин Курти и случувањата кои ја проследија оваа посета, без никакво почитување на државните симболи, не претставува ништо повеќе од омаловажување на македонската држава и ширење на анти-државни идеи за,,Голема Албанија’’.
Најголем показател за ова е преименувањето на улицата во Чаир од еден симбол на обединување на македонскиот и албанскиот народ во борбата против фашизмот во Адем Демачи - косовски борец кој својот живот го посветил во креирањето на врвот на албанскиот шовинизам, Голема Албанија. Потсетуваме дека скандалозната промена на улиците се случи за време на локалната самоуправа на СДС, кога со Градот управуваше Петре Шилегов.- додаваат од партијата.
„Како за крај на оваа скандалозна посета, Курти делеше совети на Македонија во однос на тоа како треба да ја постави својата надворешна политика, порачувајќи дека Македонија треба да се држи што поблиску до Косово, Албанија и Бугарија, а што подалеку од Србија и претседателот на Србија Александар Вучиќ.
Левица јавно повикува за сериозна истрага во однос на организацијата на посетата која имаше сепарационистички карактер, како и прогласување на Албин Курти за персона нон грата.“- стои во соопштението.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни