Куба дозволи отворање „хотели за љубов“
Властите на Хавана соопштија дека одново ќе се дозволи постоењето на мрежа од хотели, во кои собите ќе се издаваат на еден или неколку часови.
Ваквите хотели кои Кубанците ги нарекуваат „посадес“ ќе бидат во државна сопственост.
Тие постоеја до 90-те години на 20-от век, кога беа затворени во време на големата економска криза предизвикана од катастрофалниот ураган што ја погоди Куба.
Во „посадес“ беа сместувани бездомниците, чии станови и куќи беа разурнати од ураганот.
Во меѓу време во Хавана и во делови од Куба постоеја приватни „посадес“, каде една соба за тричасовно изнајмување чини пет американски долари.
Собите во овие хотели имаат клима уред, фрижидер и удобен кревет, но цената иако е мала според меѓународните стандарди, за Кубанците претставувала голем трошок, затоа што претставува една шестина од просечната кубанска плата од 30 долари.
Во Хавана е предвидено да се уредат пет „хотели за љубов“, кои ќе бидат поконформи од претходните. Тие ќе треба да им помогнат на луѓето, барем за кусо време, да се справат со хроничниот недостиг на станбен простор, кој трае изминатите половина век.
Многу кубански семејства живеат во заеднички станови, делејќи го просторот со други семејства или самци.
Весникот „Трабахадорес“ потсетува дека првите вакви хотели „посадес“ биле отворени во Хавана пред крајот на 19-от век.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни