Крв на скопските улици: 35 лица завршија во болница
Триесет и пет лица се полесно повредени во 16 од вкупни 39 регистрирани сообраќајни несреќи во изминатите три дена на подрачјето на Скопје. Деветнаесет сообраќајки се материјална штета.
Сообраќајната полиција во петокот извршила увид на 20 сообраќајни незгоди. Во 10 од нив со полесни повреди се здобиле 25 лица, а девет несреќи се со последица материјална штета.
Како што информира самостојниот инспектор Драган Вељановски, во саботата е извршен увид на 11 сообраќајни незгоди. Од нив во четири незгоди со полесни повреди се здобиле девет лица. Четири незгоди се со материјална штета.
Вчера, пак, е извршен увид на осум сообраќајни незгоди, од кои во две незгоди со полесни повреди се здобиле осум лица, а шест се со последица материјална штета.
Во текот на изминатите три дена сообраќајната полиција, санкционирала осум возачи кои возеле под дејство на алкохол и се исклучени од сообраќај, девет поминале на црвено светло на семафор и 17 возачи кои за време на управување на возилото не користеле сигурносен појас или го користеле мобилниот телефон.
Санкционирани се и 14 возачи кои го управувале возилото без возачка дозвола, односно нерегистрирано.
Со помош на специјалното возило „Пајак“, во текот на овие три дена отстранети се 143 возила кои во поголема мера го попречувале нормалното одвивање како на пешачкиот така и моторниот сообраќај.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп