Макрон ќе и се обрати на јавноста во врска со новиот закон за миграција
Францускиот парламент доцна синоќа го изгласа контроверзниот и построг закон за имиграција, кој предизвика несогласувања кај дел од левото крило на владејачката партија.
Откако минатата недела опозицијата во Националното собрание го одби владиниот предлог, мешовитата комисија на Народното собрание и Сенатот постигнаа компромис и законот беше усвоен во двата дома на парламентот.
За законот гласаа и членовите на екстремно десничарската партија Национален собир (РН). Претставник на партијата на Макрон „Ренесанса“ ја нарече таа поддршка „бакнеж на смртта“ и заклучи: „Сега сме во рацете на РН, изгубивме на сите фронтови“.
Францускиот претседател Емануел Макрон подоцна денеска ќе и се обрати на јавноста и ќе зборува за новиот закон, јави телевизијата БФМ. Построгите правила за мигрантите предизвикуваат вознемиреност кај левото крило на партијата на Макрон, а француските медиуми шпекулираат дека некои министри може да поднесат оставки.
Фигаро и Паризиен информираа дека министерот за здравство Орелиен Русо веќе поднел оставка, но не можеа да потврдат дали премиерката Елизабет Борн ја прифатила оставката.
Ново на Сител
-
На дедо од Крњарево му дошле дома за да гласа, внукот пријавил во полиција
-
Паланчанец делел бонови од по 1.000 и 2.000 денари за гориво
-
Познати се полуфиналните пресметки во ракометната лига на шампиони
-
Србија, Хрватска и Словенија во финалето на „Евросонг“
-
Македонските ракометари вечерва го стартуваат мундијалскиот бараж против Фарски Острови
-
Не е почнато навреме гласање на едно место во Тетово поради апаратот за идентификација
-
Русија утринава почнала масовен ракетен и напад со дронови врз Украина
-
ЛШ: ПСЖ ја пречекува Борусија и се надева на второ финале