Кремљ: Рискантна одлука на САД за укинување на ограничувањата за испорака на оружје за сириските бунтовници

Рискантна  е одлуката на САД да укине одредени ограничувања за испораки на  оружје за сириските бунтовници, бидејќи тоа оружје може да заврши во рацете на терористите, соопшти денеска Кремљ.

Портпаролот на Кремљ, Дмитриј Песков, на новинариите им соопшти дека, доколку се оствари ова сценарио, тоа ќе претставува закана за Блискиот исток и руските сили во Сирија, пренесуваат британските медиуми.

Зборувајќи за американско-руските напори за постигнување договор за воспоставување на безбеден излез за бунтовниците од источниот дел на Алепо, Песков рече дека се надева дека таквата спогодба може да се постигне.

Тој, меѓутоа, укажа дека разговорите за ова прашање се „сложени и несигурни“, пред се, токму заради одлуката на САД за укинување на ограничувања.