Кремљ: Анкара да ја објасни изјавата на Ердоган

Портпаролот на Кремљ Дмитриј Песков денеска наведе дека Москва е изненадена од изјавата на турскиот претседател Реџеп Тајип Ердоган дека турските сили се присутни во Сирија со цел да го турнат режимот на претседателот Башар ал Асад, поради што очекува објаснеување од Анкара. 

- Оваа изјава е навистина новина за нас. Тоа е сериозна изјава и се разликува од претходните, како и од нашето видување на ситуацијата. Се надеваме дека нашите турски партнери ќе ни дадат некакво објаснување за тоа, истакна Песков. 

Ердоган вчера во говор нагласи дека мисијата на ОН во Сирија била неуспешна, додавајќи дека турското испраќање тенкови, борбени возила и специјални сили во Сирија во август, било последица на огорченоста на Турција. 

- Тука сме поради правдата, тука сме да ставиме крај на улогата на суровиот Асад, кој го шири тероризмот, порача Ердоган.