Ковачевски во Софија на состанокот со шефови на влади на НАТО земјите од ЈИЕ
Премиерот Димитар Ковачевски денеска во Софија ќе учествува на состанокот на шефови на влади на НАТО земјите од Југоисточна Европа.
Состанокот се одржува на покана на бугарскиот премиер Кирил Петков, а покрај премиерот Ковачевски ќе присуствуваат и премиерите на Романија и Црна Гора – Николае Чука и Здравко Кривокапиќ, соопшти службата за информирање на бугарската Влада.
На состанокот ќе се дискутира за влијанието на војната во Украина врз регионот, а шефовите на владите ќе разменат мислења и за последиците од конфликтот во сферите на безбедноста, енергетиката и економијата на краток, долг и среден рок.
Во овој контекст, акцент ќе биде ставен и на зајакнување на координацијата и соработката во Југоисточна Европа за справување со заедничките предизвици.
По завршувањето на работната сесија, учесниците на состанокот треба да имаат брифинг со медиумите.
Ново на Сител
-
ОЈО ги повлече основните две од трите обвиненија протв Панделевски за случајот Империја
-
Големиот пожар на Кипар сè уште не е ставен под контрола
-
По 15 години балкански рис на Илинска-Плакенска планина | ФОТО
-
Во Скопје казнети 123 возачи, 13 биле без возачка дозвола
-
Поради топлотниот бран затворени училишта и градинки во Грција, но и Акропол
-
Средба на претседателката Сиљановска Давкова со германскиот претседател Франк-Валтер Штајнмајер
-
Путин и Ердоган ќе се сретнат во Астана на почетокот на јули
-
Продолжува посетата на Сиљановска-Давкова на Берлин на Конференцијата за обнова на Украина