Колона од Капитол до Железничка - скопкси Аеродром блокиран
Стотици автобуси, автомобили, товарни возила беа заглавени во километарската колона што се формира во скопската населба Аеродром, а која се протегаше од трговскиот центар „Капитол мол“, па сè до Железничката станица, пишува Телеграф.
Застојот траеше речиси цел час, а причината за формирањето на километарската колона беше мала сообраќајка што се случи во близина на Народната банка на Македонија.
Граѓаните кои утрово се упатија кон центарот на градот мораа да чекаат во своите возила, додека да се ослободат сообраќајните ленти кај НБМ. Од Министерството за внатрешни работи за Телеграф.мк соопштија дека после 7.30 часот била пријавена сообраќајка меѓу камион МАН и автомобил „пежо“.
Двете возила биле со скопски регистарски ознаки, а била причинета само материјална штета.
Откако возилата беа отстранети од коловозот, сообраќајниот хаос набргу делумно се расчисти, па булеварите повторно се проодни за сообраќај, со повремени застои.
Ново на Сител
-
МНР го повика на консултации амбасадорот во Албанија
-
Ќе се спојуваат разузнавачките агенции, утре на владина седница нови именувања во третиот ешалон
-
Распишан тендер за нова компресорска станица – хируршките сали на Клинички нормално ќе профункционираат во декември
-
Фејсбук измама со криптовалути, злоупотребено името на премиерот
-
Преглед на вести од светот
-
Престрелка во Батинци - Убиен 34 годишен маж
-
Преглед на вестите од светот
-
Има ли можност за нови преговори со Бугарија?