Кинескиот претседател во посета на Велика Британија
Кинескиот претседател Си Џинпинг заедно со неговата сопруга доцна синоќа пристигна во Лондон на четиридневна државна посета на Велика Британија.
Ова е прва ваква посета на еден кинески претседател на Велика Британија по 2005 година.
Британскиот премиер Дејвид Камерон по повод даоѓањето на претседателот Си, изјави дека посетата ја одбележува „златната ера“ на британско-кинеските односи.
На аеродромот Хитроу, гостите од Кина ги пречекаа виконтот Худ, во име на британската кралица Елизабета, која е формалниот домаќин на претседателот Си, како и британскиот министер за надворешни работи, Филип Хамонд.
Официјалниот дел од посетата, почнува денеска.
Кинескиот претседател ќе се сретне со кралското семејство, ќе престојува во Бакингамската палата, ќе има средби со лидерите на бритаскиот бизнис, а ќе зборува и во британскиот Парламент.
Главните политички разговори, Си ќе ги има со премиерот Камерон и на нив се очекува да бидат покренати билатерачни прашања, како и теми од меѓународните односи.
Претставник на Даунинг стрит 10 изјави дека на масата за разговори ќе се најдат сите прашања. Од британска страна се очекува да се покрена прашањето за субвенционирањето на кинескиот челик, но и ситуацијата со човековите права во Кина и кибер нападите.
Посетата на Си Џинпинг доаѓа по минатомесечниот престој на британскиот министер за финансии Џорџ Озборн во Пекинг. Озборн навести дека официјален Лондон има намера да ја направи Велика Британија најголемиот партнер на Кина на Западот.
Амнести Интернешенел и други групи за човекови права, најавија за денеска протест во лондонскиот парк Сент Џејмс, со осуда за властите во Пекинг, поради непочитувањето на човековите права, но има најава дека ќе се одржи и манифестацја со подршка за Кина и нејзината политика.
Ново на Сител
-
Мајка и ќерка пронајдени мртви во нивниот дом во Слатино, таткото и синот пренесени во болница
-
Ужас во Скопје: Роднина соблекувал малолетно девојче, па се самозадоволувал пред неа
-
Домашен миленик настрада од улични кучиња
-
Објавен извештајот за починатото 14-месечно бебе, еве ги деталите
-
Следува продолжен викенд: 11-ти Октомври неработен ден за сите граѓани на Македонија
-
Во изминатите четири дена во Грција биле откриени и спасени над 580 бегалци и мигранти
-
Доброволното противпожарно друштво – Кочани доби опрема како донација од Италија
-
Форум за образовни промени: Да се преземат мерки за бројните законски прекршувања на Универзитетот во Тетово