Кина очекува прифатливо решение за сите страни во војната во Украина
Кина очекува сите страни поврзани со украинската криза да учествуваат во мировни преговори со цел постигнување траен договор, прифатлив за сите засегнати страни, изјави денеска портпаролката на кинеското Министерство за надворешни работи Мао Нинг.
– Се надеваме дека сите страни и актери ќе се вклучат во мировни преговори навреме и што е можно поскоро ќе постигнат праведен, траен, обврзувачки и прифатлив договор, рече Мао на прес-конференција.
Денеска европски лидери ќе му се придружат на украинскиот претседател Володимир Зеленски на разговорите со американскиот претседател Доналд Трамп во Вашингтон – три дена по средбата на Трамп со рускиот претседател Владимир Путин во Алјаска.
Коментирајќи ја средбата Трамп–Путин, Мао Нинг истакна дека Пекинг ги поддржува сите напори за мирно решавање на украинската криза и додаде дека кинеските власти ќе помогнат со сопствени методи.
– Продолжуваме на наш начин да ги убедуваме страните во потребата од преговори, рече таа во одговор на новинарско прашање дали Кина е подготвена да гарантира безбедност на Украина во случај на договор за прекин на огнот.
Кина, според Мао, „го поздравува одржувањето контакти меѓу Русија и САД, подобрувањето на нивните односи и придонесот кон политичко решение на украинската криза“.
МИА
Ново на Сител
-
Запленети котури сајла со дијамантски прстени наменети за сечење мермер, објективи за камери, цигари и маслиново масло
-
Судењето за нападот врз Арсовска продолжува – обвинетиот тврди дека е жртва
-
Министерство за енергетика: Над 100 предлози од јавноста за новиот Закон за рударство, ќе се прифатат конструктивните
-
Иран е подготвен да ги продолжи нуклеарните преговори, со добра волја од Западот
-
Приведен жител на неготинско село, не почитувал судска наредба за приближување на сопругата
-
Скопската полиција синоќа констатираше 128 сообраќајни прекршоци
-
Сијарто: Војната меѓу Украина и Русија не е унгарска војна
-
Седница на Буџетскиот совет на Собранието